الضحك من أسرار السعادة وطول العمر، فـ سماع نكت مضحكة قادر على تغيير حالتك المزاجية للأفضل، فيُضيف إلى وجهك ابتسامة مشرقة، كما يُساعد في رفع حالتك المعنوية وتبديلها للأفضل، لتكون قادرًا على مواجهة تقلبات وهموم الحياة بروح خفيفة مشرقة غير تعيسة، لذا إليكم أقوى +100 نكتة مضحكة جدًا.
نكت مضحكة
من النكت المضحكة للغاية عند سماعها هي التي جاءت على النحو التالي:
- واحد غبي ماشي في الشارع قابل واحد صاحبه، قاله أزيك شكلك أتغير خالص يا مصطفى، قاله بس أنا مش مصطفى، قاله وكمان غيرت أسمك؟
- ثعبان نظره ضعيف حب ثعبانه وبعد شهور اكتشف أنها خرطوم مياه.
- واحد غبي راح يشتري مخدرات بـ 500 ج، فجأة البوليس كبس على المكان راح رامي الـ 500 جنيه.
- طفل غبي مش قادر ينام، أمه قالت له عد من 1 لـ 100 وهتنام، عدّ للخمسين ولما لقى نفسه هيبدأ ينام قام غسل وشه وكمّل عدّ.
- واحد اتجوز من شهر سألوه مرتاح في الجواز؟، قالهم والله أبوها هو اللي ارتاح.
- واحدة حلمت أن جوزها بيعلمها السواقة، فصحيت من النوم حكت له، قالها ارجعي نامي يمكن تعملي حادثة ونخلص.
نكت مضحكة جدا قصيرة
في الآتي مجموعة من النِكات المضحكة جدًا والتي جاءت قصيرة ليسهل حفظها:
- غبي بيذاكر دايمًا بره البيت عشان يتقال أنه حاصل على الشهادة من الخارج.
- واحد عصبي خلقه ضاق راح أداه لأخوه الصغير.
- راجل رجع في كلامه فجأه راح خابط في اللي وراه.
- ممرضة خلفت ولدين توأم سمت واحد منهم وريد والتاني عضل.
- واحدة اسمها عايدة دخلت كلية هندسة بقى اسمها عايدة متر مربع.
اقرأ أيضًا: عبارات على الجدران مضحكة
نكت مضحكة موت قصيرة
قد تكون النكت المضحكة القصيرة ومختصرة كما في الآتي:
- تلاتة مسطولين ركبوا طيارة هيلوكوبتر، ولما حسوا بالبرد راحوا قافلين المروحة.
- واحدة جوزها مات وماشية في جنازته بتضحك، سألوها الناس بتضحكِ ليه؟، قالت أول مرة أعرف رايح فين.
- طالب غبي بيكتب ورا الدكتور في المحاضرة كل كلمة، ولما الدكتور يمسح السبورة يقوم مقطع الورقة.
- واحد بيقول لمراته ايه رأيك نرجع زي زمان، قالت له أزاي يعني؟ قالها لا تعرفيني ولا أعرفك.
نكت مضحكة محششين
تساعد النكت المضحكة في إدخال أجواء من البهجة والسعادة على الحاضرين، ومنها الآتي:
- واحد محشش ركب الطيارة وبعدها بشوية خبط على كتف المضيفة وقالها الحمام فين؟، قالت له الناحية التانية، راح مخبط على كتفها التاني وقالها الحمام فين؟
- محشش بيسأل أخوه أيه الفرق بين الأسبوع والصحراء؟، قال له الأسبوع فيه 7 أيام منهم الأحد، والصحراء فاضية مفيهاش حد.
- محشش سألوه أيه رأيك في الزواج المبكر؟ قالهم أيوة يعني مبكر الساعة كام؟
اقرأ أيضًا: عبارات مضحكة
7 نكت تموت من الضحك
نقدم لكم في هذا الصدد أقوى 7 نكت فكاهية مُضحكة، ذلك عبر النقاط التالية:
- غبي رمى تليفونه من الشباك، واستغرب لما نزل لاقاه مكسور وهو مشغل وضع الطيران.
- محشش شاف واحده عجبته في الشارع سألها اسمك أيه؟ قالت له أسماء، قالها يعني ملكيش اسم معين؟
- غبي راح يقدم لوظيفة وسأل المرتب كام؟ المدير قاله 2000ج وبعد سنتين بيوصل 5000ج قاله خلاص هرجع لكم تاني بعد سنتين.
- مسطور راح المحكمة وسأله القاضي أنت متجوز مين؟ قاله متجوز ست؟ رد القاضي أنت غبي يعني هتكون متجوز راجل؟ قاله أه عندي اختي جوزها راجل.
- كسول بيمتحن وقع منه قلمه على الأرض كسل يجيبه وراح مسلم روقه وطالع من اللجنة.
- المحامي دايمًا مبيعرفش ياكل في بيته، لأنهم بيكونوا موكلينه في المحكمة.
- أخ كبير قاعد عطشان، فأخوه الصغير راح يجيب له مية جري، فأتفاجأ وسأله عن السبب، قاله المدرس قالنا أن فيه راجل سقى كلب فـ دخل الجنة.
نكت مضحكة مكتوبة
يُمكن إرسال النكت المضحكة المكتوبة في رسائل للأصدقاء أو الأهل لإدخال السعادة على قلوبهم، ومنها الآتي:
- واحد غبي دخل السجن، فزمايله بيسألوه ليه دوست الراجل بعربيتك، قالهم جاتلي رسالة بتقول لو عايز 10 دقايق مجانًا دوس واحد.
- واحدة فاقت من النوم مخضوضة أوي سألها جوزها فيه أيه، قالتله حلمت أني بقيت أرملة، قالها يا شيخة بعد الشر إن شاء الله أنا وأنتي لأ.
- غبي اشترى موبايل جديد فطلب من أخوه يكتب له هو الرسايل عشان خطه وحش.
- واحد بيخطط يتجوز مرات جاره بعد ما مات، ولما شافها من غير مكياج اتخض وسألها أخبار المرحوم أيه؟
اقرأ أيضًا: اسئلة اطفال مضحكة
نكت مضحكة للاصدقاء
يتبادل الأصدقاء النكت المضحكة عادةً في أوقات الفرغ، ومنها الآتي:
- واحدة راحت السجل المدني عشان تغير اسمها من صباح لـ ضحى، الموظف قالها مش مستاهلة، الفرق بينهم نص ساعة بس.
- مدرس سأل طالب أيه مفرد كلمة (مصائب) قاله ملهاش مفرد المصايب كلها بتيجي مرة واحدة.
- محشش أخوه مات ومش عارف يبلغ مراته الخبر ازاي، دخل عليها قالها الحقي جوزك اتجوز عليكي، فردت يا رب يرجع لي ميت، راح قايل لأصحابه دخلوه يا شباب خلاص عرفت.
نكت مضحكة 2025
أما عن أقوى النكت المُضحكة في العام 2025 فنقدم لكم الأبرز عبر النقاط التالية:
- واحد غبي بيعاكس مراته قالها بصراحه نفسي أحط رجلي على وشك، قالت له ليه؟ قالها عشان أكون أول واحد يمشي على القمر.
- محشش أخد أبوه للدكتور ولما سأله عنده قد ايه، قاله مش عارف بس هو عايش بقاله كتير.
نكت مضحكة قصيرة مصرية
اشتهر المصريون بصناعة النكتة والدعابة، إليكم أقوى النكت المصرية القصيرة:
- راجل اسمه نادر اتجوز ست اسمها نادرة، خلفوا طفل سموه (مهدد بالانقراض).
- فاشل قال لأخوه روح شوف لي النتيجة، ولو لقيتني ساقط في مادة قولي محمد بيسلم عليك، ولو مادتين قولي محمدين بيسلم عليك، راح لقاه شايل كل المواد، فرجع قاله أمة محمد كلها بتسلم عليك.
نكت مضحكة جدا جدا جدا تموت من الضحك
يُمكن الاستمتاع بقراءة النكِات التالية وإلقائها على الأصدقاء:
- توأم بيقول لأخوه أنت فين من الصبح يا أخي، أمك حمتني مرتين لحد دلوقتي.
- مسطول بيسأل واحدة على اسمها قالت له (وعد)، قالها والله ما هقول لحد.
- محشش شاف مراته مولعه قالها منورة يا حياتي.
- مدرس بيسأل طالب أيه هي أسرع المواد في التبخر، قاله مرتب بابا.
- واحد راكب مع صاحبه العربية اللي سايق على 180 وبياكل ويشرب وييتكلم في الموبايل، ولقاه ساكت فجأة فسأله مالك، قاله أبدًا بفكر هيصلوا علينا فين!.
وفي الختام فإنه لا حصر للنكت المضحكة التي يُمكن سماعها وإلقائها على الآخرين لإضحاكهم إدخال السعادة على قلوبهم، وأهم من النكتة هو طريقة إلقائها، ويجب أن تكون بسيطة ومفهومة حتى يستوعبها الآخرين بسرعة وتكون سببًا دائمًا في ابتسامتهم.
